Məlum olduğu kimi bələdiyyələrin üzləşdiyi əsas problemli məsələlərdən biri də, mehmanxana, sanatoriya-kurort və turizm xidmətləri göstərən şəxslərdən, həmçinin avtomobil dayanacaqlarından ödənişin alınmasıdır. Belə ki, bələdiyyələr fiziki şəxslərə məxsus əmlak və torpaq obyektlərini qeydiyyata alarkən onların ölçüləri müvafiq sənədlərdə göstərildiyindən borc bələdiyyələr tərəfindən dəqiq hesablanır. Fiziki şəxslər hesablanmış torpaq və əmlak vergisini müvafiq qaydada ödəmədikdə və ya ödəməkdən imtina etdikdə bələdiyyə iclaslarında inzibati akt qəbul edərək məcburi qaydada icra edilməsi üçün aidiyyəti icra qurumuna göndərə bilirlər. Lakin bələdiyyənin inzibati ərazisində fəaliyyət göstərən mehmanxana, sanatoriya-kurort və turizm xidmətləri göstərən şəxslər, həmçinin avtomobil dayanacaqları qeydiyyata alınsa da, onlar tərəfindən müvafiq hesabat təqdim edilmədikdə ödənişin alınması mümkün olmur. Belə ki, ödənişin məbləğini müəyyən etmək mümkün olmadığından bələdiyyələr qanunvericiliyə uyğun olaraq pul tələbinə dair inzibati aktı qəbul edə bilmirlər.

Bununla bağlı bələdiyyələr tərəfindən işin daha səmərəli qurulması üçün Ədliyyə Nazirliyinin Bələdiyyələrlə iş mərkəzində məsələyə aydınlıq gətirilmişdir.

Belə ki, Mərkəzdə mehmanxana, sanatoriya-kurort və turizm xidmətləri göstərən şəxslərdən, həmçinin avtomobil dayanacaqlarından müvafiq hesabat bələdiyyələrə təqdim edilmədikdə bələdiyyələr tərəfindən Azərbaycan Respublikasının İqtisadiyyat Nazirliyi yanında Dövlət Vergi Xidmətinin 04.11.2022-ci il tarixli əmri ilə təsdiq edilmiş “Yerli vergi və ödənişlərin hesablanması, ödənilməsi və uçotu ilə bağlı Metodiki Vəsait”inə, həmçinin Azərbaycan Respublikasının Vergi Məcəlləsinin müvafiq maddəsinə istinad edilməklə ödənişin məbləği əlaqəli məlumatlardan istifadə edilərək hesablanmalıdır. Qeyd edək ki, bu barədə daha ətraflı hazırlanan metodik vəsaitdə tanış olmaq olar.

(Ətraflı bu linkdıə tanış ola bilərsiniz  https://belediyye.info/metodik-tovsiyeler/22 )